الأربعاء، 3 سبتمبر، 2008

قصيدة مدح من شاب الى قاتله

هل تصدق ان اكثر انسان تحبه و قريب الى قلبك من اصدقائك
هو نفسه يضع رصاصه فى قلبك
و يحملك ليدور بك على المستشفيات بلا طائل
هل تصدق ان من احببته و صادقته و اعتبرت طوله و عرضه و هيبته سنداً لك فى حياتك
يصبح هو نفسه قاتلك
هذا ما حدث مع احمد اخى رحمة الله عليه
كان له صديق طفوله معه منذ كى جى وان الى الثانويه العامه
احمد يحيى
نجح احمد اسامه اخى فى الثانويه بمجموع كبير و التحق بكلية الهندسه
بينما رسب احمد يحيى
و ظل اصدقاؤه يساندونه حتى نجح و التحق بكلية الشرطه
و كان ذلك من اسعد ايام اخى اذ كان يحبه فى الله و يعجب بهيبته و قدرته على الصمود لاى هجوم يحدث
و قد حدث فعلا
الهجوم الاول
كان احمد فى امتحان الثانويه العامه مع لجان المنازل لان والدتى رات الا يذهب للمدرسه حتى يركز اكثر هو و عدد قليل من اصدقاءه من مدرسة اللغات
و فى اول يوم فى الامتحان ، قام احد طلبة المنازل و كان بلطجيا و كبير سنا بمعاكسة احدى بنات مدرسة احمد و كانت معه فى لجنة المنازل
ضرب احمد اسامه ذلك الولد
و صعد الى لجنته
و فوجىء بعدد من البلطجيه المحترفين احضرهم ذلك الولد و انقض على اخى لضربه
تجمع اصدقاؤه حوله و كانت علقه ساخنه دخلوا بسببها الامتحان متاخرين
و مش حانحكى شكلهم كان ايه بعد ما روحوا
لكنهم كانو رجاله و وقفوا وقفة رجاله

الهجوم الثانى
انضرب اخى الحبيب بطوبه كبيره فتحت راسه ، حمله احمد يحيى الذى كان ضخما جدا رغم ان اخى ايضا كان طوله مائه و تسعون سنتى لكن حمله صديقه الى المستشفى و عاد الى المنزل و راسه متخيطه و ماما ساعتها عيطت و قالت له المره الجايه حاتبقى رصاصه يا احمد
و تم عمل محضر للبلطجيه و كان احمد يحيى طالب فى شرطه لذلك تم اخذ الموضوع باهتمام كبير و تم حبس المعتدين

و بعدها كان احمد يلعب كرة القدم و اصيب فى ذراعه
قبل وفاته باسبوع
و اخذه احمد يحيى للمستشفى و تم عمل الاشعه على ذراعه

و فى اليوم الاخير لهم سويا كانوا يذاكرون كل فى مادته و كليته ، بدات السهره بعشرين شابا
و فى النهايه بقى احمد يحيى و احمد اسامه و شخص ثالث
و كان احمد يحيى يعبث بالمسدس لاعداده لخطوبة اخت صديقهم المشترك فى اليوم التالى
و حدث ما حدث
و الحمد لله من قبل و من بعد
لكن ماما و جدت تلك القصيده من احمد اسامه الى احمد يحيى و هم لازالو فى المدرسه
كان بيحبه جدا و هو لا يعلم ان موته على يديه
دى الحقيقه اثناء البحث فى اوراق اخى الراحل رحمة الله عليه وجدت امى هذه القصيده التى كتبها احمد ليس فى حبيبته ولا فى الطبيعه الغناء لقد كان فى الثانويه العامه وقتها و كتبها مدحاً لاحمد يحيى احمد يحيى هو صديقه الذى اطلق عليه الرصاص خطأ و تسبب فى وفاته نص القصيده

احمد يحيى
احمد يحيى ده ولد شديد ............عمره ما فكر فى التهديد
دايما معايا و كل اصحابه .............و الكل ساكت مما اصابه
من بكس و لكميه و شلوت .............ما تقولش معركة عين جالوت
و مع ذلك الناس حبوه ..............و عمر مافكروا ينافقوه
جسمه الضخم و قلبه الطيب ............. بيخلوه من القلب قريب
شديد ساعة الشده و وقت الهزار ........... تلاقيه يضرب ولا اجدع جزار
ايده طويله و رجله كمان .............عمرك ما تلاقيه يوم تعبان
لا سيجاره و لا شيشه و لا اى كلام ...........م الهجس ده بتاع الافلام
اتفرج عليه وهو لابس الجزمه ............تحس ان مصر كلها عايشه الازمه
بيلبس دايما مقاسات كبيره ..........يعمل ايه ما هو رجله كبيره
طويل و ضخم و مليان تضاريس ........... لا بيهين ولا له فى التجريس
صحابه كلهم على بعضهم فاسدين ..........و عمره ما فكر فى التدخين
و اتفرج عليه لما يزعل ..........ممكن يواجه التتار و هو اعزل
لا تقولى هولاكو ولا جانكيز خان ...........احمد يحيى كفيل بابوهم كمان
تمشى معاه تحس بهيبه .............و لاعمرك حسيت معاه بالخيبه
دايما يحثك ع الطريق المضبوط .........و لا عمره خانك يا عكروت
و بكده اصبح احمد يحيى هوه ......... اصل الهيبه و رمز القوه
لا تقولى شريف ولا حتى رامى .........اه لو مره وقع فى ايده حرامى
حيكره الدنيا و الحياه بعدها .........من الضرب و الرزع التى اخدها
و يتوب و يصوم و يزكى ........... و كل ما يفتكر احمد يحيى حايبكى
اصل احمد ما يعجبوش الحال المايل ......حتى لو جواه حل المسائل
تقريبا كل الزقازيق عارفاه ........و شبرا كمان و سجن طراه
ما عدا الغلبان و اللى فى حاله .....احمد دايما يرأف بحاله
القصيده دى ان دلت على شىء
تدل على خفة دم و حب برىء من صديق لصديقه
رحمك الله يا احمد
ارجو الدعاء له بالرحمه و ذلك على الجروب
http://www.new.facebook.com/group.php?gid=5024194793&ref=share و التعليق هناك على الوال
و شكرا

18 التعليقات:

إنترنتاوي يقول...

رحمة الله و ادخله الجنة

ahmEd_H يقول...

سبحان الله
كلمات بسيطه من صاحب لصاحبه تكون سبب اننا ندعيله بالرحمه

اللهم ارحمه و اسكنه فسيح جناتك و عافنا و اعفو عنا يا رب العالميين

اشكرك على مشاركتك بالكلمات الرائعه دى , اكيد احمد فرحان بيكى اوى

تحياتى

ايمان اسامه محمد عواد يقول...

شكرا انترنتاوى
شكرا احمد
ربنا يكرمكم يا رب
ارجو لو كنتم عل الفيس بوك تدخلو الجروب و تدعوله
الجروب ده معمول رمضان الماضى
لكن العدد بيزيد الى الان
ربنا يرحم موتانا و موتى المسلمين

Z_Diva يقول...

momkn a2olk 7ga bas mn 3'er za3al

i know how ur broken for what happened to ur bro, and i totally agree that u should be angry and really hating his friend, but wasn't it an accedent, is that boy really a murderer, or just silly enough to play with a gun around others, try to forgive him, cause i don't think he is ok, if they have been friends since they were kids, so it must be killing him, and i donn think he can forgive him self for what he had done, even though he didn't mean it, bas i still understand that u can't help it, and i feel so sad about the whole setuation, and wish u and ur entire family stringth an patience, and ur brother is jannah insha2allah

ايمان اسامه محمد عواد يقول...

z diva
مين قال انى ما سامحتوش
لو ما كنتش سامحته و انا متاكده تماما انه غصب عنه و حادث غير مقصود
كنت قتلته حتى لو اعدمونى بعدها
لكن اللى زعلنى اوى هو كذبه فى بداية الحكايه
و ادعاؤه ان احمد هو اللى اصاب نفسه
ولما الطب الشرعى اثبت استحاله ذلك
رجع يقول كنا بنشد المسدس من بعض
و برضه طلع غلط عشان الرصاصه كانت من متر و نص
انا قلتله كلمه واحده
لو انا مكانك يا يحى حاقول الحقيقه حتى لو قضيت عمرى فى السجن
لكن اللى حصل انه ما راحش السجن عشان بابا تنازل و قال ليس هناك شبهة تعمد رغم ان وكيل النيابه قعد يلح على بابا مده طويله حتى يرفع قضيه ضد الولد و كنا حانكسبها خاصة انه كذب كتير
لكن
افتكرنا قد ايه احمد كان بيحبه و حسينا ان لو عملنا كده احمد مش حايكون سعيد
و بعدها الولد اتخرج من شرطه عادى و خلاص حايخطب البنت اللى اخويا اللى يرحمه عرفه عليها ، كانت زميلة احمد اخى فى الدفعه و يحيى كان عايز يتعرف عليها عشان يخطبها و ساعده فى ذلك اخى رحمة الله عليه

aimen يقول...

الله يرحم أحمد ويرزق أهله السلوى والأجر والثواب على مصيبتهم فيه
والقصيدة دي بتبين أد إيه كانت شخصيته طيبة وظريفة وعفوية
الله يرحمه رحمة واسعة
دعاء من صائم في أفضل الأيام عند الله تعالى عله ينال القبول
ونسأل الله تعالى أن يرحمنا جميعا
عبد الرحمن المغربي

ايمان اسامه محمد عواد يقول...

شكرا اخى عبد الرحمن
ارجو الاكثار من الدعاء لموتى المسلمين جميعا فى هذا الشهر الكريم
فقد بلغنا الله اياه و نلنا بركته باذنه
و حرموا هم بركته و فضله
رحمة الله على كل موتى المسلمين

Rosie يقول...

يارب اغفر لاحمد و اسكنه فسيح جناتك.
يارب تغمده برحمتك يا أرحم الراحمين..يارب اعفو عنه يا من لا إله إلا أنت..
يارب ارزق جميع أهله الصبر و الرضا...و ارحم يا رب جميع موتى المسلمين فى هذا الشهر الكريم و اجعلهم من المعتقين و من اهل الجنة يا سميع يا مجيب الدعاء
لااملك إلا الدعاء..

Z_Diva يقول...

sorry eza kont day2tek, we 3mmatn rbna yr7mo, we ysam7 sa7bo 3la kedbo, swa2 b2a kn mn elsadma, aw le shoyet ananya we 5of 3la nafso, we rbna ykrmko wey3wadko 5er isa, we g3alo shafe3 likom yom el2yama :)

ايمان اسامه محمد عواد يقول...

z diva
انا ما زعلتش خالص بالعكس
انا بس حبيت اقولك ان احنا خلاص استعوضنا ربنا سبحانه و تعالى و سامحنا من قلبنا
مش عشان حاجه غير ابو قلب ابيض ده الله يرحمه اللى عمره ما اذى حد ابدا
انت عارف كان معاهم ناس يومها يعرفو احمد طشاش كده لكن ربنا اراد انها تيجى على ايد ده
واحد من اغلى الناس عنده
عشان يكون ما عندناش ادنى شك انه غير متعمد
انت عارف الضابط قال لبابا تحب تتهمه بالقتل
قلت انا
مستحيل
ماحدش ممكن يفكر يقتل احمد متعمد
لان القتيل لازم يكون عمل حاجه تزعل القاتل مثلا او تغضبه لدرجة انه يزهق روحه
لكن الله يرحمه عمره ما ضايق حد اصلا

دودو يقول...

حبيبتي ماني...وكل ال عواد الكرام..ربنا يبارك لكم في قلبكم الطيب الابيض اللي بجد صعب الواحد يلاقي منه في الايام الكحلي دي
انا عن نفسي مقدرش اقول اني كنت هسامح زيكم مهما كان صاحب اخويا وكل ده
انا على الاقل ما كنتش هسامح التهور والكذب
انا لا اشكك في حب احمد يحيي لاحمد اسامة ابدا
لكن الرصاص مش للعب والاستعراض
والمؤمن لا يكون كذاب بنص الحديث الشريف فما بالنا واحنا بنفتري على واحد لا يملك حتى حق الدفاع عن نفسه
انا اسفة
اني بختلف معاكي
انا مش بختلف انا مبهورة بنقاء قلوبكم
انا بقول بس لو اي حد غيركم في الموقف ده مش ممكن حد كان يتخيل رد الفعل ده منكم
لانكم بجد ال عواد
ناس جدعان قوي وطيبين قوي
والحمدلله ان ربنا اكرمني وكنت اخت لكم من طفولتي الى الان
وريا رب الى اخر العمر تفضلوا اخواتي وحبايبي يا رب
كل سنة وانت طيبة
والنهاردة في التراويح افتكرت احمد وكان له نصيب من الدعاء
ربنا يتقبله في الصالحين
ويهون على قلوبكم يا رب
رمضان كريم يا حبيبة قلبي من جوة قوي

ايمان اسامه محمد عواد يقول...

شكرا دعاء حبيبتى
لو حد حلف لى على الميه تجمد ان فيه حد حيقتل احمد و انا مش حاقتله
بل بالعكس حاسامحه
عمرى ما كنت اصدق
لكن ربنا بيبعت الصبر على قدر المصيبه
و التسامح على قدر الاساءه
و الحمد لله من قبل و من بعد
يا رب ما تشوفى ابدا حاجه وحشه فى حد بتحبيه
بس انا متاكده ان احمد اخويا لو كان موجود كان برضه سامح صاحبه
عشان كده قلبه الابيض هو اللى قاد تصرفاتنا فى الوقت العصيب ده
الله يرحمك يا حبيبى
يا ضنى اختك يا قلبى انت

Randa El- Adawi يقول...
أزال المؤلف هذا التعليق.
Randa El- Adawi يقول...

قدر الله ماشاء فعل

" اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس ، أبدله أهلاً خيراً من أهله ، وداراً خيراً من داره ، وجيراناً خيراً من جيرانه ، اللهم لا تحرمنا أجره ، ولا تفتنا بعده ، واغفر لنا وله".

ضحكات الحياة يقول...

القصيدة حلوة
ربنا يرحمه برحمته ان شاء الله و يجعل قبره روضة من رياض الجنة ان شاء الله
اللهم أغفر له و المسلمين و المسلمات و المؤمنين و المؤمنات و الأحياء منهم و الأموات يا أرحم الراحمين

احمد بدوي يقول...

الله يرحمه ويسكنة فسيح جناتة


ملحوظة : انا معجب بمدونتك جداً وتعرفت عليها من خلال إذاعة البرنامج العام بالصدفة وصراحة اعجبت جداً بمدوناتك

ايمان اسامه محمد عواد يقول...

شكرا استاذ احمد بدوى ربنا يكرمك

محمود صلاح يقول...

الله يرحمة رحمة واسعة ..... صراحة والله تأثر كتير بالقصيدة وبقصة ... كم في الحياة اناس لهم قلوب مثل هذا الشخص ...فا من الجميل ان يكون للانسان قلب هو صاحبة...لكن الاجمل ان يكون صديق انت قلبة ... كان انسان بريء وجميل

Template by:

Free Blog Templates